MADC thutkhawm zawhfel a ni

Tun thla ni 23 atanga neih Mara Autonomous District Council (MADC) Monsoon Session chu Zirtawpni khan zawhfel a ni a, tun tumah hian ni thum chhung thutkhawm neiin Starred Question 17 a awm a, Unstarred Question 2 awm bawkin Unstarred Question te hi Member-te dawhkan-ah dah niin Starred Question 17 te hi thutkhawm hun ni 3 chhungin chhan vek a ni. Heng bakah hian Official Bill pahnih- The Mara Autonomous District Council (Non-Agricultural Land Settlement) (Third Amendment) Bill 2025 leh The Mara Autonomous District Council (Agricultural Land Settlement) (First Amendment) Bill 2025 te chu pass in Official Rules pali pawm a ni bawk.