MFM in chhawmdawlna hlan

Mission Foundation Movement chuan tun-hnaia Aizawl Bawngkawn Veng chhunga khuarel chhiatna tawk leh chhawmdawl ngai chhungkaw 35 hnenah nimin tlai khan buhfai, Alu leh Sintex an sem a, he hun hi DM&R changtu Minister Prof. Lalnilawma chuan a hmanpui a ni. MFM hian HT Parekh Foundation Mumbai atanga CSR kaltlang a sum an hmuh hmangin he project hi an kalpui a, kar hmasa khan Vaivakawn-a chhungkaw 35 te hnenah pawh hetiang bawk hian chhawmdawlna hi an lo hlan tawh a ni.