Kawngpui enfiah hnuah Vawiin-ah thukhawm dawn

 Mizoram-a lirthei hmanga eizawng pawl 14 te chuan Mizoram chak lakna kawngpui chhia siam mek dinhmun chu niminpiah-a an enfiah hnuah Vawiin hian thutkhawm an nei dawn a, heng pawl hrang hrang aiawhte hian Langkaih kawng, Sairang leh Kawnpui inkar leh Kolasib leh Bairabi inkar kawng chhia siama Mizoram Sawrkar leh NHIDCL hmalak dan an enfiah a ni. Hnathawh dan an enfiahnaah hian kawng chhe lai chu khawih ni mah se, an duhthusam erawh a nih loh thu an sawi a, hnathawktu leh khawl an tlem bakah lirthei chevel thununna, traffic management a ttat loh avangin lirthei tam tak an la tang tih sawiin, an kal zel dan tur Vawiin hian sawiho an tum a ni.