Ramri hung kaihhnawih chungchang sawiho a ni

India leh Myanmar ramri hung tura hmalakna chu kalpui mek a ni a, nimin khan Serchhip DC Meeting Hall-ah Border Coordination Committee chu an Chairman leh Bawrhsap Paul L. Khuma hova thukhawmin hemi kaihhnawiha thil tul leh pawimwh hrang hrangte sawiho a ni bawk. Sawrkar laipui duhdan angin Myanmar leh Mizo-ram inrina hung dan tur zirchianna kalpui a ni dawn a, he zirchianna behchhan hian rawtna thehluh a ni dawn a, ramri hung a nih dawn chuan eng angin nge mipui a nghawng ang tih zirchianna (Social Impact Assessment) neih a ni bawk ang. Hei bakah hian Serchhip District leh Myanmar inrina hmunhma hi Revenue Department emaw, Survey of India te leh District thuneituten a huho a endikin Joint Survey neih nise tiin an rel bawk a ni. Nimin-a thutkhawm ah hian Serchhip SP Gavit Gogna bakah District thuneitute telin BRO leh Assam Rifles aiawhte bakah Sailulak leh Lungkawlh VC te pawh an tel a ni.