NEP 2020 kum 5 tlin lawmna Serchhip District-ah lo zawm

New Education Policy (NEP) 2020 kum 5 tlin lawmna atana nimin-a New Delhi-a 'Akhil Bhartiya Shiksha Samagam, 2025' hman chu Serchhip District-a PM SHRI Govt. Primary School Buangpui-a thawktute leh zirlaite pawhin biak-hmuhtheihna kaltlangin an lo zawm ve a. He hun hi School Headmaster H. Lalbiaksanga chuan kaihruaiin zirlai leh nu leh pa bakah khawtlang mi pawimawh sawm bik te leh chanchinbu mite an tel a, Union Education Minister Dharmendra Pradhan-a thusawi ngaihthlak a nih bakah NEP pawimawhna te inhrilhfiah a ni bawk.

Prime Minister School for Rising India (PM SHRI) School hmalakna hnuaiah hian India ram chhungah zirna In thlanbik 13,076 te chu tihchangtlun chhoh mek a ni a. Mizoram-ah pawh Music Instructor, Language Instructor leh Sports Instructor te lak thar an ni a. Heng bakah hian a thiltum zingah Vocational Education hmanga zirna kalpui te leh tunlai thiamna hmanga zirna kalpui te pawh a tel bawk a ni.