Leitha zawrh chungchanga inkhuahkhirhna zirho a ni

Serchhip District chhunga dan anga leitha zuartu (Fertilizers Dealer) Meeting leh Training chu niminpiah khan Serchhip DAO Office Meeting Hall-ah neih a ni.
He hunah hian Serchhip District chhunga Fertilizers Dealers awm zawng zawng, mi panga te chu kohkhawm niin Fertilizers Inspector V. Lalhriatpuii’n kalkhawmte zirtirna pein Fertilizeras Dealer ten an hriat tur pawimawh leh Dan leh hrai an zawm tur hrang hrangte a sawi a. Heng Fertilizers Dealers te hi Serchhip District hnuaia Dealers an nih ang ngeiin Fertilizers allotment an hmuh ang ang te Serchhip District rawn thlen zel tur leh rampawn ah hralh phal loh a nih thu te hrilh an ni a. District pawn lama hralh tur an nih pawhin Fertilizers Inspector emaw, DAO emaw hriatpuina tel lo chuan hralh phal a ni lo tih hrilh an ni bawk a. Serchhip District-a kuthnathawktu ten an mamawh huna an hman tangkai turin an outlet-ah leitha te hi dah/stock reng tura hriattir an ni bawk.

Tun dinhmuna Serchhip District-a Dan anga Fertilizers zawrh phalna nei, Fertilizers Dealer te hi S&V Traders, East Lungdar bakah Serchhip atangin Thomte Agency, TL Ferlizers, RZ Enterprise leh Pui Pui Enterprise te an ni.