Bawrhsap hovin thlirho

Serchhip Sanitation Task Force chu nimin khan thukhawmin Serchhip-a bawlhhlawh tawih thei leh tawih thei lo thliar tura hmalakna kal mek an sawiho.
Serchhip DC Meeting Hall-a nimin a thukhawm hi an Chairman leh Bawrhsap Paul L. Khuma chuan kaihruaiin UD&PA leh Green Herd SP, Serchhip te thawhhonain Serchhip khawpuia bawhhlawh thliar hran, sawngbawl leh In tin atanga khawn hna hi kalpui a ni tawh dawn a, a bultanna atan thla thar August 4 khian New Serchhip huamchhungah kalpui a ni anga, thla khat chhung kalpui a nih hnuah thlirho leh tur niin Serchhip Town Area pumpuia hman hun tur rel a ni ang.

Green Herd SP, PHED leh UD&PA te thawhhonain bawlhhlawh sawngbawlna hmun Lungrual ramah siam a ni tawh a, bawlhhlawh tawih thei chu Chhiahtlang dai-a a paihna turah paih leh tur a ni dawn a ni.