Kawngpui-a harsatna thlen

BJP Mizoram State President Dr. K. Beichhua MLA chuan Union Minister for Road Transport and Highways Nitin Gadkari hnenah Mizoram in inkalpawhna kawngpui pawimawh taka harsatna thleng mek chungchang a thlen a, he harsatna hi lo enzuisak a, a tul anga chak zawka hmalak sak turin a ngen bawk. Hei bakah hian Tripura atanga Mizo-ram khawthlang lam, Mamit District atanga Lunglei District leh Lawngtlai District paltlanga Zochachhuah thlengin National Highway kaltir rawtna a siam chu tihhlawhtlinsak tura a ngenna ziakin a thehlut nghal bawk a, Minister Nitin Gadkari chuan a lo zirchian sak tur thu a lo hrilh a ni.