Council of Minister thutkhawm neih a ni

Nimin khan Chief Minister, Zoramthanga hovin a Pisa-ah Council of Ministers thutkhawm neih a ni a, thu ngaihtuah tur hrang hrang chhawpchhuah a ni.

Nimin a Council of Ministers thut-khawm ah hian Agenda 20 chhawpchhuah a ni a, heng zingah hian Mizoram Inner Line Permit fee siamthat chungchang te, Mizoram sawrkar hnuaia MR te dinhmun zirchiang tura Study Team din chungchang te, The Mizoram Education (Transfer and Posting of School Eduction Teachers) amendment Rules chungchang te, The Mizoram Liquor ( Prohiobition) Rules te leh Mizoram Goods & Services Tax (Third Amendment) Bill te a tel a ni.

Hriat chinah Agenda 20 zingah hian Home Department atanga Inner Line Permit pek chhuah man tihsan rawtna te; AH & Vety Department atanga lut - The Mizoram Animal Slaughter (Amendment) Act, 2020; Tualchhung chanchinbu-a sawrkar hriattirna tihchhuah man tihsan rawtna I&PR Department atanga lut te, LESD&E Department atanga Mizoram Shops & Establishments (Regulation of Employment and Conditions of Service) Act, 2019 siamthat rawtna te; The Mizoram (Land Revenue) (Second Amendment) Bill, 2020, Land Revenue & Settlement Deptt. atanga lut te, UD&PA-in District thar pathum tana DUDO post siama hnawhkhah an rawtna leh ram danpui siamthat vawi 125-na Bill, 2019 hmang ve tura 'resolution' pass rawtna te pawm a ni.