Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

VC siamrem dilna sawiho

Serchhip Kawnpui South Joint NGO Coordinator Committee ten Serchhip-IV VC area siamrem tura ngenna an siam chungchang sawihona nimin khan neih a ni.
Serchhip Kawnpui South Joint NGO Coordination Committee hian Serchhip khawpui laili taka awm, Serchhip Kawnpui South area chu VC hrang hrangah thendarh an nih avanga VC pakhat hnuaia an awmkhawm theihna tura ngenna chu sawrkar-ah siamin hemi bawhzuina atan hian he inrawnkhawmna hi Serchhip DLAO Conference Hall-ah Serchhip DLAO, Denny Lalchhuanawma hovin neih a ni a, he sawihona hunah hian dilna siamtute bakah tunah VC pakhat hnuaia rinluh an duh huam mektu VC leh NGO aiawhte an tel a ni.
Serchhip Kawnpui South Joint NGO Coordination Committee hian Serchhip-III VC huamchhunga In ding 33 leh Serchhip-V VC huamchhunga In ding 20 te chu Serchhip-IV VC-ah rinluh an duh chhan hrang hrangte he hunah hian an sawi a. Hemi hnu hian he huna tel VC leh NGO aiawhte chuan sawihona neiin tun dinhmun ah chuan VC ramri hi siamrem rih lovin a ngai angin kalpui leh rih phawt nise an ti ta a ni.

Comments

Popular News (Last 30 Days)