Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

SPC te Uniform sem an ni

Serchhip District-a Students Police Cadet (SPC) kalpui hmasakna ber, Marian H/S-a SPC te hnenah niminpiah khan an Uniform tur pek-chhuah a ni.
Marian H/S-a Students Police Cadet (SPC) te hnena an Uniform tur semchhuahna hun hi Serchhip Addl. SP leh District SPC Nodal Officer, PC. Laltanpuia chuan hmanpuiin zirlai naupangte fuihna thu a sawi hnuah an uniform tur hi semchhuah a ni a, tun tumah hian Khaki Uniform (Kawr leh Kekawrtlawn), Tracksuit, phei-khawk 2 (Savun leh Sneaker), Mawza, Lukhum leh a dangte zirlai 44 bakah zirtirtu 2 (Student Police Community Officers) hnenah sem a ni.
Serchhip District chhungah hian High School 2- Marian High School leh Gov't. North Vanlaiphai High School-ah Student Police Cadet hi kalpui mek niin karleh chhung hian North Vanlaiphai High School-ah an Uniform tur hi sem a ni leh dawn a. Serchhip District-a Students Police Cadet kalpuina hmasa ber, Marian H/S ami te hi thil pawimawh hrang hrang zirtir an nih tawh bakah tun thla ni 26-a India Republic Day lawmna, DC Playground Khawtetlang-a neih turah Parade tura ruat niin tunah hian ngawrh takin an inbuatsaih mek bawk a ni.

Comments

Popular News (Last 30 Days)