Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

YMA in Kumpuan hawnna hun an hmang

Young Mizo Association in kum 2020 atana kumpuan atana an thlan, ‘Zirna Uar’ tih chu Zirtawpni zan khan Vanapa Hall-ah hawn a ni.
YMA Kumpuan hawn inkhawm hi Central YMA President, Vanlalruata chuan a kaihruai a, kumpuan hawngtu Central YMA Vice President leh Kumpuan Committee Chairman, Lalhmachhuana chuan Mizorama sawrkar hnathawk lian tam tak chu hnamdang an ni tih sawiin, \anlak a \ul thu a sawi a. “Mizoram hi zirna lamah kan tlahniam nasa hle a, India ramah pawh 3-na kan ni a, nasa taka \an kan lak a pawimawh a ni,” a ti. Central YMA Vice President chuan IAS a Mizo tling awm hnuhnun ber chu 2014 leh IPS tling hnuhnung ber chu 1995 a ni tih pawh sawiin, “State dangte el pha tura \an kan lak a ngai a, khawtlang pawhin zirna \ha a awm theihnan \an kan lak a ngai a ni,” a ti bawk.
He hunah hian Central YMA President, Vanlalruata chuan CAB/CAA chungchangah Mizoram a huam ve loh chu an duh ber a ni tih sawiin, Party inbeihna a nasat avangin YMA chuan ‘aw’ a chhuah ve ta lo niin a sawi. SRS din leh chungchang chu CEC thuneihna a nih thu a sawi bawk.

Comments

Popular News (Last 30 Days)