Rulhut hlo pek beihpui thlak dan tur sawihona nei

Thla thar February ni 10-a India ram hmundangte ruala Serchhip-a National De-Worming Day hman dan tur ngaihtuahin nimin khan Serchhip District Level Co-ordination Committee on National De-worming Day chu an thukhawm.

Serchhip District Level Co-ordination Committee on National De-worming Day Chairman, Dr. Lalzirmawia Chhangte, DC Serchhip kaihhruaia a Pisa-a he thutkhawm ah hian Serchhip CMO, Dr. Laldawngliana Sailo chuan mihring ten kan thil ei atanga thisen siamtu te Rulhut kan pai in an lo ei ve avanga kawng hrang hranga kan taksa hriselna in a tawrh dan te a sawi a. Hei bakah hian he beihpui thlakna atana hma lo lak tawh dan te leh sawrkar in kumin atana ruahmanna a siam te ngaihthlak a ni.

Hemi hnu hian kumin a he beihpui-thlakna kalpui dan tur sawihona neiin a hawnna neih dan tur chu ruahmanna la siam that leh nise an ti a. He beihpuithlakna Ni, Feb. 10 khian District chhunga Primary Health Centre (PHC), Community Health Centre (CHC), Sub-Centre, Anganwadi Centre leh zirna In-a kum 1 atanga 19 inkar zirlai ten Rulhut hlo an ei vek theihna tura hmalak nise an ti bawk.