Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Assembly Budget Session neih turin koh a ni

Mizoram Assembly |hutkhawm chu thla thar February 17 atanga neih turin Larsap, PS. Sreedharan Pillai chuan a ko.
Assembly Secretariat atanga thudawn danin tun tum Assembly inkhawm hi Budget Session tura ruahman a ni a, Assembly inkhawm hun chhung tur leh hun hman dan tur chu Business Advisory Committee (BAC) thukhawmin an rel tur a ni a. Tunah hian BAC Chairman, Assembly Speaker, Lalrinliana Sailo a zin avangin BAC thutkhawm hun tur hi ruat a la ni lo thung.
Finance Department hotute sawi danin Finance changtu Chief Minister, Zoramthanga'n kum 2020-2021 atana Mizoram Budget puitling a pharh theihna turin inbuatsaihna kalpui a ni a, budget puitling a pharh ngei rin a ni. Nikum khan Parliament inthlanpui-in a nan avangin March thla a Budget Session-ah Budget puitling pharh lovin sawrkar kum bul thla 4 chhung atana sum hman lailawk tur vote-on-account hmangin Assembly pawmpuina a dil a ni.
Finance Department hotute sawi danin sawrkar laipui atanga kum khat atana state sawrkar sum hmuh tur hi hriat lawk ruak theih a nih avang leh sum ruahman ah Plan leh Non-Plan sum thliar hran a awm tawh loh avangin State Budget duan lawk hi a awlsam tawh a. Chuvangin harsatna bik a awm a nih loh chuan kumtin budget puitling pharh ziah theih rin a ni.

Comments

Popular News (Last 30 Days)