Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram Governor in Central YMA hruaitute kawmin an hmalakna hrang hrang a sawipui

Mizoram Governor, P.S. Sreedharan Pillai chuan nimin khan Raj Bhavan Conference Hall-ah Central YMA hruaitute a kawm a, Central YMA hruaitute chuan ruihhlo do kawngah Governor chu pui turin an ngen a ni.
Nimin-a Central YMA hruaitute a kawmna hunah hian Governor, P.S. Sreedharan Pillai chuan YMA chu India rama tlawmngai pawl chak leh thawh hlawk ber zinga mi tia a lo hriat tawh thin thu sawiin, khawtlang rawngbawlna kawngah an thawhhrimna avanga an hlawhtlinna tam tak te avangin YMA chu thinlung takin a lawmpui thu a sawi a. Central YMA hruaitute chu YMA hmachhawp mek, an hnathawh lai leh an ngaih pawimawh zual deuh te zawtin Central YMA hruaitute chuan Mizo khawtlang nuna YMA hnathawh leh rawngbawlna te sawi hmasa in Mizo Hnam thil leh Hnam ziarang humhalha tul thu te leh ruihlo do kawnga an tih theih chin baka phungbawmna an mamawh chungchang te chipchiar takin Governor hi an hrilh a ni.
Central YMA hruaitute chuan Bangladesh atanga dan lova rawn lut tam tak, Chakma Autonomous District Council huamchhungah an inbeng bel mek zel chu tha lo an tih thu sawiin, ramri venhimna atan CRPF, Mizo hlang awmna Union Home Minister in a lo tiam tawh chu tih hlawhtlin thuai ngai an tih thu an sawi a. 8th Schedule of Constitution of India-ah Mizo |awng telh a nih loh avanga Mizo thalai ten harsatna an tawh chungchangte pawh sawiin, Mizo |awng pawh 8th Schedule hnuaiah Official Language pakhat anga dahluh a nih ve theihna turin Governor chu hma la turin an ngen bawk a ni.
Heng bakah hian Central YMA hruaitute chuan Mizoram, India leh Myanmar inrina hrul chu Free Border regime huamchhung a nih avangin awlsam taka inkalpawh theih a nih thu te, hei vang hian henglai hmunah hian ruihhlo tawlhluh a hluar thu leh a tuartute chu Mizo thalaite an nih thu te an sawi a. Ruihhlo do kawngah chak zawka sawrkar nen an thawhdun zel theihna tura tanpui turin Governor chu an sawm a. AIDS/HIV hluar chak lutuk chungchang pawh an vei thu sawiin, Governor chu theihtawp chhuah turin an ngen nghal a. Governor chuan Central YMA hruaitute chu an thil ngaih pawimawh deuh te chu a hnenah ziaka thlen tura ngenin, Sawrkar hotulu ber a nih angin a tihtur te chu zirchianna nei hmasain a tih zel dawn bakah sawrkar aiawhin Central Sawrkar-ah pawh state mamawhte a thlen chhunzawm zel tur thu a sawi a. Central YMA hruaitute chu mipui rawngbawltu an nih angin mipui leh khawtlang mamawh chungchangah pawh finchhuah thin tur leh thurawn pe thin turin a sawm nghal a ni.

Comments

Popular News (Last 30 Days)