Pik-Up neitu Assembly nei

By -
Serchhip District Pik-Up Owners Association chuan nimin khan General Assembly neiin an pawl hruaitu tur thlanna an nei.
Serchhip District Pik-Up Owners Association General Assembly hi Centre of Excellent, Lengte-ah neih niin an President, F. Laldawta chuan a kaihruai a, an pawl Adviser, Lalthangfala chuan hunserh hmangin J. Lalthuamliana, Secretary leh Lal-remngheta Kawlni, Fin. Secretary te hnen atangin Report ngaihthlak a ni a, hei hnu hian rorelna neiin an pawl in chhiatni/thatni atana inkaihhruaina an neih te chu ennawn a ni.
Hemi hnu hian kum 2020 chhunga an pawl hruaitu tur thlanna chu ZDU Sub-Hqrs. Serchhip kaihhruaina hnuaiah neiin President-ah F. Laldawta, Saron Veng; Vice President-ah Lalzidinga, Bazar Veng; Secretary-ah J. Lal-thuamliana, Dinthar Veng; Asst. Secretary-ah C. Lalneikima, Field Road; Treasurer-ah Zir-sangliana, P&E Veng leh Fin. Secretary-ah Lalrem-ngheta Kawlni, Vengchung te thlantlin an ni. Tunah hian Serchhip District Pik-Up Owners Association-ah hian Member 71 an awm mek a ni.

Comments

Post a Comment

Popular posts from this blog

Tualthattu nia rinhlelh man

By -
Image
Nimin zinga Serchhip Bukpui leh Chhiahtlang Chhim Veng inkara Lalsangzuala (31), Mission Vengthlang thihna kaihhnawih a mawhphurtu nia rinhlelh Laldinthara (42), Khawruhlian nia inchhal chu Vawiin khan Police ten Aizawl-ah an man a. Thudawn danin Laldinthara hian nimin zing khan Aizawl pan tur Maxi Cab chu Chhiahtlang leh Lamchhip inkar ramhnuai ah lo pharin Aizawl a pan a, a khawsak zia ah rinhlelh a nih avangin Serchhip Police Special Investigation Team te chuan Serchhip Police Station OC Inspr. VL. Ramhluna hovin man tumin Vawiin khan Aizawl an pan ve nghal a, Aizawl Police te nen tangtlangin an man ta nia thudawn a ni a, Police te hmaah a inpuang tawh nia thudawn a ni bawk. Amah hi tunhnaiah pawh Serchhip-ah thubuai tenau a man nia thudawn niin amaherawh chu thubuai siam zui lovin chhuah leh a ni nia thudawn a ni bawk.
Kimchang zawkin »