Thawhhona tur ziakfel

Ministry of Tribal Affairs hnuaia Tribal Cooperative Marketing Development Federation of India (TRIFED) leh Cooperative Department te chuan Mizoram-a TRIFED enkawl scheme, Van Dhan Scheme kalpui anih ve theihna turin nimin khan Agriculture Minister, C. Lalrinsanga hriatpuina in thawhhona thuthlung (MoU) an ziak a. Van Dhan Scheme kalpuina tura inremna ziahna hun hi Agriculture Minister Office-ah neih niin TRIFED aiawhin A.D. Mishra, Regional Manager (Guwahati) TRIFED leh Cooperative Department, Mizoram Sawrkar aiawhin J.P. Agarwal, Secretary, Cooperation Department ten an hming an ziak a ni.

He hunah hian Agriculture Minister, Cooperative Department changtu ni bawk C. Lalrinsanga chuan thawhhona thuthlung ziahfel a ni chu thil chhinchhiah tlak tak a nh thu sawiin, “He thawhhona hi a taka kan tihhlawhtlin theih hunah chuan a hlawkna tel tur leh a tangkaipui ber tur chu thingtlang lama kut hnathawktute an ni dawn a ni,” a ti a. Tunlai khawvel-ah thil inang deuh leh thil tum inang te chu chhunfin a, project mal khalh anga Convergence anga kalpui chu a tha in, a hlawkna tel turte pawhin an hlawkpui ber theih thu leh Convergence chu Sawrkar pawhin a ngaihpawimawh thu a sawi a. He thawh-hona thuthlung hian Mizoram economy tan hmasawnna a thlen ngei a beisei tih a sawi bawk.
Van Dhan Scheme hnuaiah hian Self Help Group te chu Primary Level an ni anga, an chung chiahah hian Village Level-ah Kendra (Van Dhan Kendra) a awm leh ang. Mizoram-ah chuan Van Dhan Kendra atan Primary Cooperative Societies te an ni anga, Kendra pakhat ah hian Self Help Group (SHG) 15 awm tura beisei an ni a. Mizoram pumah Van Dhan Scheme kalpui thei tur Van Dhan Kendra 43 ruahman chhin niin Primary Level-ah SHG pakhat zelin cheng nuai 1 leh an hnathawhna tur sum che vel tur, Working Sapital Rs. 50,000/- an dawng dawn a ni.

Comments

Chhiar Hlawhte