Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Tuivawl Lei dawh thar P&E Minister in a hawng

Saitual leh Phullen inkar Tuivawl lui-a Built-Up Steel Girder Lei dawh thar chu nimin khan bialtu MLA leh P&E Minister, R. Lalzirliana chuan a hawng.
He Lei hawnna hunah hian P&E Minister chuan Lei hawn theiha a awm ta chu lawmawm a tih thu sawiin, Bailey Bridge awmsa chu kum 1992 atangin hman a nih thu leh a lo rei deuh tak avangin a chak tawk tawh loh avanga an harsatna te sawrkar chuan ngai pawimawha sawrkar hmalakna a lo lang ta chu lawmawm a tih thu a sawi bawk.
Tuivawl Lei hi NABARD Scheme RIDF-XXII Project, 'Rural Roads & Bridges' atanga thawh a ni a. A estimate pumpui chu cheng nuai 928.00 niin cheng nuai 820.12 chu NABARD loan atanga hmuh a ni a, a bak cheng nuai 107.88 chu State Sawrkar in a tum a ni thung. He hna hi August 10, 2017 khan M/S Sunshine Overseas Infra Pvt. Ltd., Tuikhuahtlang hnenah pek a ni a, nikum December 6 khan hnathawh zawh a ni.
Tuivawl Lei hawn tak hi mithiam ten an design hnuah IIT Guwahati-a Bridge Expert te endik tir a ni a, a Lei hi rinawm tawk tura ngaih a ni a. Double Lane, feet 180 a sei, Motor kalna feet 24.6 a zau a ni a, metric tonne 70 vel phur tan pawh zawh theih tura ruahman niin he Lei dawh a nih theih nan hian mimal pathum (3) ten an ram an pe bawk a ni.

Comments

Popular News (Last 30 Days)