Huaisen chawimawina dawng tur mi 3 thlang

Mizo naupang pathum Laliansanga (Phullen), Vanlalhriatrenga (Sairang Dinthar) leh Carolyn Malsawmtluangi (Zuangtui) te chu tun thla ni 26-a India Republic Day-ah huaisen lawmman dawng tura thlan an ni a, New Delhi-ah chawimawina hi hlan an ni ang.

Kumin a India Republic Day a huaisen lawmman dawng tur zinga mi Lallian-sanga s/o PL. Vanlalhruaia, Phullen hi March ni 29, 2018 khan an thian te nen Tuivai lui-a an kal chu an haw lamah an thian pahnih chu electric hrui chatin a man a. An hnunga tlan Lallian-sanga leh Vanlalduhawma te chuan an thian te nun chhan tumin mau ro nen an bei a, Lalruatfela chu boralin Joel Lianthangpuia chu an chhanchhuak a ni. Huaisen lawmman dawng turin Lalliansanga hi thlan a ni a, Vanlalduhawma erawh kum 18 a pelh tawh avangin thlan a ni lo.

F.Vanlalhriatrenga s/o F. Vanlalhmun-sanga, Sairang Dinthar hian naupang tui tla a chhanchhuah avangin huaisen lawmman hi a dawng dawn bawk a. March ni 1, 2019 khan naupang tui tla chu F. Vanlalhriatrenga te thianho hian nang chingin tui tla hi a chhanchhuak a, thawk te pe in a nunna an chhan thei a ni. Carolyn Malsawm-tluangi d/o Lalsangzeli, Zuangtui Aizawl hian Mizoram chhim lam khaw pakhata naupang kum 7 hi an rukbo a chhanchhuah avang leh Police ten a rubo tu Zonunsangi an man theihna atana a hnathawh that avangin huaisen lawmman dawng tur hian thlan a ni bawk.