Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

SAI-ah Training neih a ni

Mizoram School hrang hranga Physical Education Teachers/PTIs te tan ‘One Day National Level Training of Trainer (TOT)’ chu nimin khan Sports Authority of India (SAI) Training Centre, Aizawl-ah neih tan a ni.
National Level Training of Trainer (TOT) hawnna inkhawm Dy. Director SAI, Lianminthang kaihhruai ah training hawngtu James Lalrinchhana, Addl Director, Education chuan nun hlim leh hlawhtlinna hmu tur chuan mihringte hian hriselna tha an mamawh a ni, a ti a. He Training-a tel zawng zawngte chuan Mizorama sikul naupang leh thalaiten hriselna tha an neih theih nan theihtawp chhuah turin a chah a. He hun kaihruaitu SAI-a Dy. Director, Lianminthang pawhin Mizoram-ah ‘Khelo India’ leh ‘Fit India Movement’ te hi a hlawh-tling ngei turin mitin ten hrisel ngai pawimawh a, theihtawp chhuah zel turin a fuih bawk.
‘Khelo India Scheme’ hi sawrkar lai-pui-a Ministry of Youth Affairs & Sports (MYAS) chuan rampumah Sports Eco-System tha tak din a nih theih nana bultanna a ni a. He Scheme hnuaiah hian rampuma sikul zirlai zawng zawngte taksa hrisel dan tehna (physical assessment) rualkhai taka neih a ni dawn a, hei hi category chi hnih - kum 5-8 te tan 3 Parameters leh kum 9-18 tan 6 Parameters hmangin an Physical Fitness teh a ni ang.
Nimin-a National Level Training of Trainers-a tel PTI zawng zawngte chu Resource Person leh Trainer-ah te hmang chhunzawmin District zawng zawngah Training an pe chhawng dawn a. Mizoram pumah sikul zirlai naupangte chu ‘Khelo India Mobile App for Physical Fitness’ hmangin an taksa hrisel dan inang vekin teh a ni dawn bawk a. He mobile app-ah hian mahnia inzir theihna tur Video-te pawh dah vek a ni a, chumi hmangin fitness programme kalpui dan tur an zir thei dawn bawk a ni.

Comments

Popular News (Last 30 Days)