Zirna In 10-ah Library

Siaha DC Office in Project a duanchhuah, Kawngkawhhmuhtu (Our Children, Our future) te bultumin nimin khan Siaha-a Govt. HSS-ah Launching Programme of Library in selected Schools hun hman a ni a. He hunah hian zirna In 10-ah Library hawn a ni.
Samagra Shiksha, Siaha District in ah buatsaih he hun hi Siaha DC, Bhupesh Chaudhary IAS chuan hmanpuiin an District chhunga zirna in hma a sawn theihna turin naupang ten lehkhabu an chhiar tam a tul thu sawiin, hemi atan hian Library chu a pawi-mawh thu leh zirlaite pawhin an hman tangkai tur thu a sawi a. Kartin lehkhabu hawhin In lamah an chhiar dawn thu leh Social Media te hmang lovin an hunawl chu lehkhabu chhiar nan an hman tur thu a sawi bawk.
Nimin a Library hawnna School te hi Secondary School paruk (6) leh Elementary School panga (5) niin bungrua pek nghal an ni.

Comments

Chhiar Hlawhte