Aizawl-ah Voters’ Day hmang

Mizoram Governor, P.S. Sreedharan Pillai chuan, “Inthlang ram-ah chuan kan duhdan anga ram kalsiam her kan duh a nih chuan kan tih theih pawimawh tak chu Vote thlak a ni,” a ti.
Inrinni a National Voters' Day puala inkhawm Aizawl Synod Conference Centre-a neih a hmanpuina ah he thu hi sawiin Governor chuan, inthlang ram kan nihna vawngnungtu leh vawnghimtu, Election Commission of India (ECI) din champha-ah Voters' Day chu kum 2011 a\ang khan la hmang chhunzawm zel tih sawiin, Voters' Day in a tum ber chu Vote nei thei chin, kum tling tawh apiang te Vote neih tir a ni, a ti.
Governor chuan khawvel hmudang ang bawkin Mizoram hmalam hun chu tuna \halaite kutah a innghat thui hle tih pawh sawiin, Mipui thuneihna ram anih anga India dinhmun sawh nghet turin inthlan Dan kalphung hriatchian leh inthlan huna phur taka tel ve zel chu EDI duhdan a nih thu sawiin, Mizoram mipui te chu Inthlang ram kan nihna a hlawhtlin zelna leh sawhngheh deuh deuh a nih theih nan \an la chhunzawm zel turin a ngen bawk.
He hunah hian Lok Sabha inthlanpui neih zawh tak pualin 'CEO Special Award' sem a ni a. District hrang hrang zingah Vote thlak \ha ber lawmman chu Lunglei District (65.51%) in dawngin Polling Station zinga Vote tlak \hatna ber chu Buhkangkawn PS (98.89%) in an dawng a, Polling Party hna thawk \ha lawmman chu Bandiasora, Lunglei District ten dawngin Sector Magistrate/Sector Officer hna thawk \ha ber lawmman chu Laldingliana Hrahsel, EE, I&WR, Champhai chuan a dawng a. Flying squad thawk \ha berah Serlui Team, Kolasib thlangin Static Surveillance Team \ha berah 30-Lunglei Team thlan an ni bawk a. Hmeichhe zinga Vote thlak upa ber, Darrozingi (106), Kawrthah hnenah lawmman hlan a ni bawk.

Comments

Chhiar Hlawhte