Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chief Minister in Aviation Minister a kawm

Chief Minister, Zoramthanga chuan niminpiah tlai khan New Delhi-ah Civil Aviation leh Housing and Urban changtu Union Minister, Hardeep Singh Puri chu a Pisa-ah Mizoram mamawhte sawipuiin a hmu.
Union Minister a kawmna ah hian Chief Minister, Zoramthanga chuan Lengpui Airport tihchangtlun hna thawh leh a enkawlna chungchang sawipui a. Mizorama thlawhna service tam zawk a awm theih nan leh mipui mamawh phuhruk tura hmalakna hrang hrangte sawiin, chung zingah chuan sawrkar laipui atang pawha rawtna an lo dawn tawh angin state sawrkarin Aviation Turbine Fuel (ATF) atanga chhiah a lak zat tihniam turin hmalak mek a nih thu a hrilh a. Lengpui Airport enkawl chhunzawm zelna turah Airport Authority of India (AAI) leh state sawrkar ten mawhphurhna an insem chu State economy dinhmun thlirin ennawn leh nise tiin Chief Minister in rawtna a thlen chu Union Minister chuan tha tih puiin, sawrkar laipui-a Aviation hotute leh Mizoram sawrkar chu hemi atan hian ruahmanna siam a bawhzui nghal turin a ti bawk.
Lengpui Airport tihchangtlun hna thawh chin sawi bawkin Chief Minister chuan Hmunpui tlangchhip-a DVOR dah belh hna thawh mek chu thla hnih hnuah zawh beisei a nih thu te, thlawhna park-na (Apron) zauh hna chu a chanve aia tam thawh a nih tawh thu leh Isolation Parking Bay siam chu 70% zawh a nih tawh thu te a sawi a. Airport hungna (perimeter fencing) siam pawh estimate puahchah zawh veleh state in a thawhna tur sum a pek tur thu a sawi bawk.

Comments

Popular News (Last 30 Days)