Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Larsap in Mizoram mamawh sawrkar laipui-ah thlen

Mizoram Governor, P.S. Sreedharan Pillai chuan kar kalta chhung khan Union Home Minister Amit Shah leh Union Minister for Civil Aviation, Housing & Urban Affairs Hardeep Singh Puri te kawmin Mizoram mamawh hrang hrang a sawipui.
Mizoram Governor PS. Sreedharan Pillai chuan Union Home Minister, Amit Shah chu Mizoram-ah All India Institute of Medical Science (AIIMS) din a nih theih nan hma la turin a ngen a. Lengpui Airport tihlen te, Lawngtlai leh Dhaka (Bangladesh) inkalpawhna kawng siam te, Aizawl leh Silchar inkar kawngpui Four Lane (a ruala motor pali a sir tawn tawna tlan theihna) a siam te, Indo-Bangladesh Border fencing siam hna a rang lama thawh zawh chung-chang te, Mizoram-a IIM leh IIT din te, KMMTTP huamchhung Zochachhuah khua a International Trade Centre din bakah India leh Myanmar ramri hrula venhimna kalpui chungchanga hmalak dan tur sawipuiin tih hlawhtlin a tulna te a sawipui a ni.
Hei bakah hian Union Civil Aviation Minister, Hardeep S. Puri hnenah hian Lengpui Airport atanga Delhi Direct Flight a awm loh thu te, hei hian hun leh tha a khawral thute bakah emergency a harsatna a thlen thu te a sawipui a. Lengpui Airport atanga khawpui dang pan tura thlawhna thlawkchhuak a tlem avanga harsatna te pawh a sawi bawk a. Governor chuan Lengpui Airport chu International Airport-ah hlankai leh cheithat a tul tawh thu pawh Union Civil Aviation Minister hnenah hian thlen a. Union Civil Aviation Minister chuan Mizoram atanga Thlawhna a zinmite harsatna chu a hriatthiam thu lo sawiin, a remchang hmasa berah Thlawhna neitu company te (Flight Operators) kohkhawmin a lo sawipui tur thu a sawi a ni. Hei bakah hian Governor hian Ministry of Health & Family Welfare-ah leh Road Transport & Highways-ah Official te kaltlangin Mizoram mamawh inziahna Memorandum a thehlut bawk a ni.

Comments

Popular News (Last 30 Days)