FOCUS hmalakna leh hmachhawp te thlirho

Nimin khan Agriculture Minister, C. Lalrinsanga chuan a Pisa-ah Fostering Climate Resilient Upland Farming Systems in the North East (FOCUS) Officer te kovin kum 2019 chhunga an hmalakna leh kumthar hmachhawp te a sawipui.
FOCUS Officer te nen-a an Meeting-ah hian Agriculture Minister chuan kan lo neih dan kalhmangah leh Land Use chungchang ah 3-Tier System hmanga tlangram lo neih dan kalpui thar a tum thu leh chu ruahmanna chu FOCUS project nen a in hmuh rem chiah avangin a lawmawm dan a thuah hnih hle a ni, a ti a. FOCUS hnuaia Funding chungchangah Fund Flow khaihlak lo tura tan lak thar attul thu leh hemi tur hian amah pawhin theihtawp chhuah a tum thu a sawi bawk.
FOCUS hi United Nations Organisation (UNO) peng pakhat International Fund for Agriculture Development (IFAD) hnuaia project a ni a, Mizoram leh Nagaland ah kalpui mek niin Mizoram-ah chuan January ni 25, 2018-ah bultan a ni a, kum 6 chhung kalpui tura ruahman a ni a. He project hian Mizoram chhunga District 4 - Champhai, Kolasib, Serchhip leh Mamit a huam a, khaw 272 a chhungkaw 64,500 a huam dawn a, Lo neih, Huan nghet neih, ranvulh leh kuthnathawka eizawnna kawng hrang leh tharchhuah enkawl zui a, man man zawka hralhchhuah thlengin a pui dawn a, Agriculture link road KM 200 a thuam tha bawk ang. He Project hnuaiah hian Farmers Interest Group (FIG) 926 din a ni tawh a, khaw tinah Lead Farmer leh Community Animal Health Worker ruat an ni tawh bawk.
He Project in a tum ber chu thingtlang lo neih a eizawng ten hlawk zawk leh sik leh sa chhe mek siamtha zawnga loneih an kalpui theihna tura tanpui a ni a. He FOCUS Project hnuaiah hian thawktu (Contract) 240 lak thar an ni a, He Project hi Department 4, Agriculture, Horticulture, AH&Vety leh Land Resources, Soil & Water Conservation ten hma an lakna tura ruahman a ni.

Comments

Chhiar Hlawhte