Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Para-Gliding intihsiakna neih tur thlirhona neiin Zawlpui-ah ram nghet lei a ni dawn

Thla thar February ni 12 atanga Serchhip-a International Paragliding Accuracy Championship-2020 neih tur chungchang ngaihtuahin nimin khan a kaihhnawih sawrkar Department te leh NGO bakah Serchhip Joint VC aiawhte chu Serchhip DC’s Conference Room-ah an thukhawm a. Zawlpui-ah a tumna tur ram nghet lei tum a ni bawk.

Nimin-a he thutkhawm hi Mizoram sawrkar-a Tourism Secretary, Esther Lalruatkimi chuan kaihruaiin khawvel huap intihsiakna Mizoram in a thlen tur chungchanga sawrkar lo inbuatsaih tawhna te a tarlang a, hemi hnu hian he intihsiakna Serchhip in a thlen tur atana sawrkar Department hrang hrang te lo inbuatsaih dan chu thlirho niin PWD in a panna kawng an siam te, PHE Department in mikhual leh a chhimtu mipui tana tui in tur an pek dan tur chungchang ah te, P&E Department in Power Supply an pek tur ah te, UD&PA in inthiarna leh mipui chawlh hahdamna an siam turah te, Health Department in infiammi (Pilot) lo kal te hriselna leh inhliamna awm palh thei chungchanga an lo buaipui dan tur te leh Police, Assam Rifles leh BSF lam hmalakna turte chu sawiho niin heng te hian an tih tur chinah hma chak taka lain, a hun hmaa engkim inpeihfel hman beisei a ni.
International Paragliding Accuracy Championship neihna hmun tur hi Serchhip leh Keitum inkar NH-54 kawngchhak lama Bawngchawm tlang-ah a ni a, tunah hian ram hrang hrang atangin Pilot 70 chuang te chu tel turin an inziaklut tawh a. He Event hlawhtling taka neih a nih theihna tur hian NEC atangin pawisa cheng nuai 20 hmuh beisei ah cheng nuai 16 hmuh ni tawhin Mizoram sawrkar in he Event hi a ngaih pawimawh avangin cheng nuai 50 a pek tur thu chu Chief Minister pawhin a lo sawi tawh a ni.
Nimin-a Meeting neih zawh hnu hian he thutkhawm a tel te hian Para-Gliding intihsiakna neihna tura thlawhchhuahna tur hmun, Bawng-chawm tlang chu tlawhin he hunah hian Adviser to Chief Minister, C. Lalramzauva chuan helai hmun atanga thlawkchhuak te tumna (Landing) tur ram chu Zawlpui-ah hawh tuma ruahmanna siam lo ni tawh mah se hmun nghet atana cheibawl turin leilet bial 5 chu sawrkarin a lei dawn thu a sawi a ni.
Para-Gliding intihsiakna tur hmun hi kum 2010 atang khan enchhinna hrang hrang neiin Mizoram Aero-Sport Association (MASA) chuan hma an lo la tawh a, helai hmun hi khawvel leh India ramah pawh Flying Side tha ber anga ngaih niin nikum hmasa December khan Pre-World Cup pawh hlawhtling takin an lo nei tawh bawk a. A hmun chei leh khualzin thlenna tur chu Central Sponsored Scheme cheng vbc. 2.2 hmang sak mek niin Champion Infra Tech, New Delhi hnuaia SAHA Company ten he hna hi an thawk a. Cafiteria leh Guest House tur sak mek niin Room zawng zawng hi 3-Star standard vek tura ruahman niin tun thla chhunga zawh hman beisei a nih thu thawktute chuan an sawi a. Tunah hian PWD chuan NH. 54 atanga Bawngchawm panna kawng hi siam tha mekin ruahman ang chuan Sailiamkawn atangin Bawngchawm tlang hi pan tur a ni dawn a, Kawng ngai-ah let tawh lovin Chuanhnuai lam atangin kir leh tur a ni dawn thung a, tunah hian PWD chuan an hna thawh tur atanga zaa 80 vel chu an zo tawh tih an sawi bawk a ni.
Nimin a he intihsiakna tur chungchang sawihona leh intihsiakna neihna tur hmun tlawhna ah hian Adviser to Chief Minister, C. Lalramzauva, Tourism Director Lalengmawia leh Joint Secretary, Irine Zodinpuii te, Serchhip District Bawrhsap Dr. Lalzirmawia Chhangte leh SP, R. Sathiyasundaram bakah Department hrang hrang hotute an tel a. Anni bakah hian Mizoram Aero-Sports Association (MASA) General Hqrs. leh Hqrs. Serchhip hruaitute bakah Serchhip Joint VC aiawhte pawh an tel bawk a ni.

Comments

Popular News (Last 30 Days)