Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip District-ah Sangha note tharchhuah theih dan tur zirhona neih a ni

Serchhip-a District Fisheries Development Officer (DFDO) Office buatsaihin nimin khan Serchhip-ah Sangha chi, Common Carp tharchhuah dan tur inzirtirna leh sawihona neih a ni.
New Serchhip YMA Hall-a Common Carp tharchhuah dan tur inzirtirna leh sawihona hun hi Serchhip DFDO, Zonuntluangi chuan kaihhruaiin hetianga Common Carp chi tharchhuah dan tur inzirtirna hun, District pum huap hi Serchhip-ah an la buatsaih ngailoh thu sawiin, kum 2011-a Serchhip-a Fisheries Office hawn hnuah Sangha khawi lamah nasa taka hmasawnna a awm tawh thu a sawi a. Serchhip District chu Mizoram District te zingah Sangha Dil siamna turin ram nei tha ber ni lo mah ila mihring ah erawh a thawk nasa ber leh thawk tha bera chhal ngam an nih thu a sawi a. Mithiam ten an chhut danin mihring in kum khat a Sangha kg. 13 kan mamawh laiin kan mamawh zatve vel ang chiah kan tharchhuah hian ala daih thu a sawi a, hei vang hian mipui ten Sa hrisel, Sangha an ei theihna turin Sangha khawitute chuan tan an lak lehzual a tul thu leh chumi atan chuan a chi, Sangha note tharchhuah chu a pawimawh thu a sawi a. Chumi atan chuan he huna an thil zir chu anmahni Dil lama hmang chhunzawm tur leh midangte zirtir chhawnga an thiamna hlanchhawng zel turin a chah bawk.
He hunah hian Sangha khawitute aiawhin PC. Laltlansanga pawhin thu sawiin, hetiang hun buatsaih a ni chu lawmawm a tih thu a sawi a. Sangha note tharchhuak tura hma a lo lak tawh dan te leh State pawn lam thlenga a lo zirchian tawh dan te sawiin, hnamdang ten Sangha note an rawn zawrh thin te chu a nih tur anga a puitlin theih thin loh thu leh amaherawh chu heng mite hi thu zawhfiah tur pawh an awm zui thin loh avangin keimahni ram ah ngei Sangha note kan tharchhuah chu a tul thu a sawi a. Sangha hralhna a that zel avangin Sangha Dil neitute chu thahnem ngai zel turin a chah bawk.
He hunah hian Lalropara Khiangte, Asst. Fisheries Officer chuan Sangha, Common Carp note tharchhuak tura bul tan dan leh a enkawl zui dan te he huna kalkhawmte chu a lem nen entirin a zirtir a, sawihona leh zawhna leh chhanna hun te hman niin he hunah hian Serchhip District chhunga Sangha khawitu mi 70 vel an tel a ni.

Comments

Popular News (Last 30 Days)