AH&Vety Department in Chhiah chhung hnem

Serchhip-a AH&Vety Department chuan sawrkar kum kal mekah Ran 68,065 enkawl tawhin sawrkar-ah Chhiah Rs. 3,38,289/- zet an chhunglut tawh.
Serchhip-a AH&Vety Department hian sawrkar kum kal mek, nikum April thla atanga December thla thleng khan Serchhip District chhunga Ran 68,065 enkawl tawhin Ran 1254 te chu Zai (Operation) an nei bawk a, Ran kah raina, Artificial Insemination atangin Bawngpui 104 kah rai niin heng atang hian Bawng note 81 a piang a, Vawkpui pawh 123 kahrai niin Vawk note 199 zet a piang bawk a ni. Hemi hun chhung hian Artui tharchhuah pawh 29,947 zet a awm bawk a ni.
AH&Vety Department hian District chhung khaw hrang hrangah tum 20 zet a thlawna ran hriselna enfiahna hun, Free Animal Health Camp an buatsaih bawk a, hei bakah hian mipuite tan a thlawna ran hri danna pekna hun, Free Mass Vaccination pawh buatsaih thinin heng ah hian Ui a hri danna (Anti-Rabbies Vaccine) 658 pek niin Vawk tana hri danna, Swine Fever Vaccine pawh 7785 pek a ni a, Bawng leh Sial lam chi-ah FMD (Foot & Mouth Disease) Vaccine 9146-ah pek niin Bawngpui ten no an chhiat tur venna turin Bruvac Vaccine pawh ran 24-ah pek a ni bawk.

Comments

Chhiar Hlawhte

Serchhip-a YMA Branch hrang hrang kum 2020 HRUAITU TE