Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Para-Gliding atan venhimna chungchang sawihona nei

Thla thar February ni 12 atanga Serchhip-a International Paragliding Accuracy Championship-2020 neih tur atan inbuatsaihna kalpui mek niin nimin khan Traffic leh Security chungchanga thil pawimawh sawihona neih a ni.
He sawihona Serchhip District Bawrhsap, Dr. Lalzirmawia Chhangte kaihhruaia a Pisa-a neih ah hian Police Department lam atangin Addl. SP, PC. Lal-tanpuia leh MASA Sub-Hqrs. Serchhip hruaitute an tel a, a hma lama State Level Organising Committee in he intihsiakna neih tura Traffic leh Security chungchanga thil tul lo ruahman tura a tih anga he Meeting hi neih niin intihsiakna a tel tur te venhimna pek dan tur leh he hun hmang tura sawrkar mi pawimawh leh mipui nawlpui te himna turte ngaihtuah a ni a, he hun hmang tura kal tur dinhmun chu MASA lamin lo tifelin SP Office-ah lo thehlut a, chumi hnuah Police lamin ruahmanna lo siam se an ti a ni.
Ruahman lawk ang chuan Para-Gliding intihsiakna hmun pan turte tan hian Sailiamkawn atangin Bawngchawm tlang-ah kal tur a ni dawn a, Bawngchawm tlang-ah hian lirthei dahna tur pawh fel taka ruahman niin a haw turte chu Chuanhnuai lamah NH. 54 pawhthla in haw tur a ni dawn thung a ni.

Comments

Popular News (Last 30 Days)