Serchhip-a END ten nikum (2019) chhungin Chhiah cheng nuai 68 chuang zet an chhunglut

Serchhip-a Excise & Narcotics Department chuan nikum (2019) chhung khan Zu leh ruihna atana hman chi damdawi thahnem tak manin sawrkar-ah Chhiah cheng nuai 68 chuang zet an chhunglut a. Thubuai ziahluh thahnem tak awmin mihring pawh thahnem tak man an ni.

Serchhip-a Excise & Narcotics Department hotute hnen atang thu kan dawn danin nikum (2019) January ni 1 atanga kumtawp December 31 thleng khan Serchhip-a Excise & Narcotics Department hian tualchhunga siam Rakzu litre 2643.25 zet manin heng te hi tualchhung-a hralhna anga chhutin cheng nuai 66 chuang hu nia chhut a ni a, Zu bilhlai |in 2620.5 zet manin hei pawh hi cheng nuai 19 chuang hu nia chhinchhiah a ni bawk. Heng bakah hian Dawidim Kg. 6 manin Sapzu (IMFL) um puitling 2 manin a chanve um pawh 2 an man a, Beer Cane 895 zet manin hei hi cheng nuai 2 dawn hu a ni a, khawchhak lam atanga lakluh Zu, BEDC pawh litre 552 zet manin hei hi cheng nuai 3 chuang hu a ni bawk a. Zu siamna atana hman chi Bel pawh 190 zet manin hei hi Rs. 152,000/- hu nia chhinchhiah a ni.
Nikum chhung vek khan Serchhip-a Excise & Narcotics Department hian Heroin pawh gram 24 chuang manin hei hi Rs. 84,718/- hu vel nia chhut a ni a, Ganja Kg. 8 chuang manin Rs. 21,282/- hu vel nia chhut a ni bawk a, Methamphetamine pawh mum 7,80,000 zet manin hei hi Rs. 15,60,00,000/- hu nia chhinchhiah a ni a, hei bakah hian Alprazolam pawh mum 50 zet an man a. Heng Zu leh damdawi kaihhnawih ah hian Motor pawh 23 zet manin heng te hi lirthei te chi, LMV 9, Two Wheeler 7, Three Wheeler 6 leh JCB 1 a ni.
Serchhip-a Excise & Narcotics Department hian nikum chhung khan MLPC Act, 2014 hnuaiah thubuai 78 ziaklutin mi 90 man an ni a, MLP Act, 2019 hnuaiah thubuai 178 ziahluh niin mi 213 man an awm bawk a. Ruihhlo kaihhnawiha an man te thubuai an siam sakna, ND&PS Act, 1985 hnuaiah thubuai 42 ziahluh niin mi 64 man an awm bawk a ni.
Serchhip-a Excise & Narcotics Department hian nikum chhung khan Chhiah Rs. 68,73,611/- zet hmuin heng an Chhiah hmuh atanga a tam ber hi Sapzu leh a kaihhnawih a an hmuh a ni a, Sapzu leh a kaihhnawih atang hian Rs. 68,72,153/- zet hmuin thildang ah erawh chuan Rs. 1458/- chiah an hmu thung a, Sapzu leh a kaihhnawiha an sum hmuh hi Zu khapna dan siam danglam hmaa MLPC Act hnuaia Zu zawrhna leh Sipai ten Zu kaihhnawih atanga Chhiah an chawi te a ni ber.
Serchhip-ah hian Excise & Narcotics Department hi Asst. Commissioner kaihhruaina hnuaia awmin P&E Veng-ah Office an nei mek a, tunah hian Asst. Commissioner 1, Inspector 2, Sub-Inspector 3, Asst. Sub-Inspector 2, Wireless Operator 2, Head Constable 2, Constable 20, Driver 1 lel Clerical Staff 3 an awm mek a,

Comments

Chhiar Hlawhte