Bawrhsap in Sports Complex leh Auditorium tlawh

Serchhip District Bawrhsap thar, Dr. Lalzirmawia Chhangte chuan nimin khan Serchhip a Sports Complex sak mek leh Auditorium te chu tlawhin a dinhmun a enfiah.

Serchhip District Bawrhsap hian nimin tlai khan Serchhip Hmar Veng-a Sports Stadium sak mek chu tlawhin he Stadium-ah hian Artificial Turf phah hna thawh zawh tawh niin Football Ground sirah hian Running Track siam hna thawh mek a ni a, tunah hian Running Track-ah hian Synthetic Fibre phah tur niin Metal hna thawh mek niin 90% vel zawh tawh a ni a, Metal hna zawh hnu hian Synthetic Fibre hi phah leh tur a ni ang.

He hna thawktu Syncott International Delhi te chu Serchhip District Bawrhsap chuan Fur chhia a thlen hma a chak lehzuala thawk tur leh kumin February thla tawp lama hna zofel hman turin hnathawktute chu a ngen a, a tul chuan hnathawktute pawh lak belh turin a ti bawk.

Serchhip District Bawrhsap hian Ser-chhip Field Veng-a Serchhip Auditorium pawh tlawh nghalin Stage cheithat hna thawh lai mek a enpui a, Auditorium thuamthat hna (Renovation) kalpui mek a hmalak dan te enin, Auditorium hmunhma leh tuldang chei ngaite chu chak taka tuaihnum chhoh zel anih dawn thu a sawi bawk. 

Thla thar mai-a Serchhip khua in K|P General Conference a thlen tur atana Pandal sak mek pawh District Bawrhsap hian tlawh nghalin Organising Committee hruaitu ten an lo dawng-sawng a, Pandal sak hna an thawh meka an thlen chin te leh hmabak la awm te lo hrilhin K|P General Conference neih chhungin BDO Quarters awmna tlang chu thingpui lumna atan hman an duh thu an lo thlen a, DC chuan theihtawp chhuaha alo bawhzui pui tur thu a hrilh a, Leise-kawt Mual-a Pavillion awm mek pawh UD&PA te nen tangtlanga rawng hnawih that nise an ti bawk. He hunah hian Bawrhsap hi DUDO, Van-thangpuii leh a thawhpui ten an tawiawm a ni.