MJA ten Miss puanna nei

Mizoram Journalists’ Association (MJA) leh ZONET tangkawpin Miss Mizoram thlanna an kalpui mekah Serchhip District aiawh turin Saizampuii, Keitum chu thlan a ni.
Miss Mizoram-2020 thlanna neih tura Serchhip District aiawh tur puanna inkhawm hi Inrinni tlai khan Serchhip-a I&PR Conference Hall-ah neih a ni a, he hunah hian MJA Serchhip District President, C. Ramengmawia chuan Miss Mizoram thlanna neih tura Serchhip District aiawh tur hian Saizampuii (24) chu thlan a nih thu a puang a ni.
Inrinni-a he hun hmanna ah hian MJA Serchhip District General Secretary, C. Lalro-chhuanga chuan Miss thlanna nei tura an inbuatsaih dan leh Miss Serchhip District aiawha Miss Mizoram thlanna neih tura tel tura thlan, Sai-zampuii chanchin sawina a nei a, MHIP Sub-Hqrs. Serchhip President, Sanghmingliani chuan Sash bah tirin Tiara a khim tir nghal bawk a ni.
Serchhip District aiawha Miss Mizoram thlanna a tel tur Saizampuii hi Laldailova (L) leh Lalsangliani te fa niin Keitum khawchhuak an ni a, thiamna lamah BSc. (Agri) niin tunah hian FOCUS hnuaiah thawkin Serchhip IOC Veng-ah a khawsa mek a, ft. 5.7-a sang a ni.

Comments

Chhiar Hlawhte