Nikum-ah TB vei 2927 hmuhchhuah an ni

Zonuna Kawlni /
Nikum (2019) chhung khan Mizoram-ah TB vei nia rinhlelh mi 17171 enfiah an ni a, heng zingah mi 2927 te chuan TB an vei tih hmuhchhuah an ni.
Tunkar Ningani-a National TB Elimination Programme 3rd & 4th Quarter 2019 Review Meeting, Directorate Conference Hall-a neih a tarlan anih danin nikum chhung khan Mizoram-ah TB vei nia rinhlelh mi 17171 te chu enfiah an ni a, heng an enfiah zingah mi 2927 te chuan TB an vei tih hmuhchhuah a ni a. TB vei hmuhchhuah zinga 38 te hi Private atanga hmuhchhuah an ni. Heng bakah hian MDR-TB vei hi mi 109 hmuhchhuah an ni bawk a. TB vei hi za zelah 93% tihdam niin kum 2018 chhunga TB vei hmuhchhuah aiin mi 428 in an tam zawk a ni. TB vei hmuhchhuah zinga 12 te hi Clinic atanga hmuhchhuah ni lovin Department-a thawktu ten TB hmuchhuak tura an fehchhuah (Active Case Finding) atanga hmuhchhuah niin Jail, Home leh TB case tamna hmunah te hetiang hian hun hman thin a ni.
He Review Meeting hi Dr. Zothankhuma Chhakchhuak, State TB Officer chuan kaihruaiin, District tina District TB Officer te leh Staff te an tel a, Dr. Eric Zomawia Mission Director, National Health Mission chuan kum 2025-ah India ramah TB umbo tawh tur anih avangin thahnem ngai taka thawh a ngai tih a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »