Naupang 5803 te Zeng hri danna pe tawh

Rampum-a Naupang kum 5 hnuailam Zeng hri danna pek beihpuithlak mekah Serchhip District chhungah naupang 5803 te hnenah hri danna pek a ni tawh.

India rama Zeng hri umbo a nih theihna tura sawrkar laipui hmalakna anga Serchhip District-a Zeng hri danna pek mekah hian tarlan tawh angin Naupang kum 5 hnuailam mi 5937 te hri danna pek tura ruahman a ni a. Heng mite tan hian hri danna pekna hmun 76 ruahman niin beihpui thlak tanna Ni-ah mi 5476 te hri danna pek niin hemi ni-a hri danna la ve lo te hi ASHA, Health Worker leh Anganwadi Workers ten an In-ah kal chilhin niminpiah khan mi 238 te chu hri danna pek leh niin nimin khan naupang 89 te hnenah hri danna hi pek chhunzawm leh a ni a, heti hian ni thum (3) chhunga hri danna pek tawh zawng zawng hi mi 5803 niin tunah hian target atangin hri danna la pek loh hi mi 134 an awm a, heng mite pawh hi kim taka hri danna hi pek vek tura hmalak zui zel a ni ang.