Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-ah Jal Jeevan Mission kalpui dan tur zirho

Serchhip District-a Jal Jeevan Mission kalpui dan tura thil pawimawh leh hriattur pawimawh hrang hrang inzirtirna chu nimin khan Serchhip-ah neih tan a ni.
Sawrkar laipui-a Ministry pakhat Jal Jeevan Mission ruahman anga ni thum chhung awh tur Jal Jeevan Mission chungchang zirhona hi SIRD Auditorium, Tarpitlang-ah neih niin he hun hi Swachh Bharat Mission Serchhip District-a Coordinator, Samuel Lallawmzuala chuan kaihruaiin PHE Serchhip WATSAN Division-a Sr. EE, Er. F. Lalsanglura chuan he training hi a hawng a, he Training neih chhung hian Tui leh thianghlimna mipuite tana a pawimawhzia te, Tui hna leh a chhehvel vawnhim leh humhalh pawimawh zia te, Tui lakna hnar enkawlna leh humhalhna tura Dan awm te, Tui thianghlimna vawnhim leh enkawl chungchang te, pawnler-a inthiar awm tawh lohna chhawmnun zel dan tur leh Ek In thianghlim taka enkawl dan bakah Bawlhhlawh leh tuichhe paihna mumal tak neih dan te zirhona neih a nih dawn thu te sawiin, he huna tel te chu he huna an thil zir te tangkai taka hman tum turin a chah bawk.
Nimin atanga tan he Training-ah hian PHE Department Serchhip Sub-Division leh Tlungvel Sub-Division huamchhunga Thingtlang khuaa Village Council President te bakah Swachhagrahi te telin ni8min khan thupui hrang hrang zirhona neih nghal a ni a, PHE Serchhip WATSAN Division-a Sr. EE, Er. F. Lalsanglura bakah Er. PB. Lalnunsanga SDO, Er. Samuel LR. Ralte SDO leh R. Laltanpuia, Lab. Chemist ten zirtirna an pe a. East Lungdar Sub-Division hnuai ami te tan hun remchang ah neih leh a ni ang.

Comments

Popular News (Last 30 Days)