VC 25 te Computer sem

LAD Minister, K. Lalrinliana chuan nimin khan Mizoram chhunga Village Council 25 te hnenah Rashtriya Gram Swaraj Abhiyan (RGSA) Scheme hnuaiah Desktop Computer Set pakhat (1) theuh a pe a, heng Computer Set te hi VC ten tunlai Computer thiamna mil zela chak zawk leh awmze nei zawka mipui rawng an bawl nan a an hman tur a ni.

Heng Computer semna hun hi Directorate of Local Administration Office-ah neih niin LAD Secretary, Rodney L.Ralte pawhin a telpui a ni. Rashtriya Gram Swaraj Abhiyan (RGSA) hi kawng hrang hranga Village Council te tihchakna tur Scheme niin RGSA State Nodal Department chu Local Administration Department (LAD) a ni a. LAD chuan VC zawng zawng ten Desktop Computer Set an neih vek theih nan theihtawpin hma a la mek a ni.