Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Republic Day Volleyball khelh tan a ni

Serchhip-ah Volleyball Indoor-a khelh theihna sak a ni dawn

Serchhip-a Republic Day lawmna chikhat atana buatsaih Volleyball Tournament chu nimin khan Serchhip Vengchung Volleyball Court-ah khelh tan niin Serchhip Town Development Committee Chairman, T. Zadingliana chuan a hawng a ni.

Serchhip Vengchung Volleyball Court-a khelh Republic Day Volleyball Running Trophy hawnna hunah hian Serchhip Town Development Committee (STDC) Chairman, T. Zadingliana chuan Serchhip District Volleyball Association in players te hma ngai tak hruaitu an nei leh kum 2 lai Mizoram a hna thawk tha ber District lawmman an dawng te chu ropui a tih thu a sawi a. Heng an hmalakna te hi Volleyball players te pawhin hriain thahnem an ngaih lehzual a tul thu a sawi a. Sports chu intihhlimna atana hman thin ni mah se tunah chuan eizawnna atana hmantlak a nih tawh thu leh sawrkar pawhin nasa taka hma lain Mizoram State Games te a buatsaih bakah Sports Policy pawh duan a nih tawh thu a sawi.
STDC Chairman chuan Serchhip Dar-nam Veng-ah cheng vbc. 3 sengin Hall sak a nih dawn thu pawh he hunah hian sawiin, hetah hian Volleyball pawh khelh theih a nih dawn thu a sawi a, tunah hian Contractor pawh tihfel ni tawhin karleh mai ah hna pawh tan tum a nih thu a sawi a. Hei bakah hian Serchhip Chhim Veng-a Modern M/S hmun hluia Volleyball khelh theihna tur Hall sak tura hmalakna pawh kalpui mek zel a nih thu a sawi bawk.
Serchhip District Volleyball Association President, K.  Tlangthanmawia kaihhruai he hunah hian Technical Report ngaihthlak niin kum kalta a Volleyball player boral sunna hman a ni bawk a. Tun tuma Republic Day Volleyball Running Trophy-ah hian Mipa leh Hmeichhe inelna neih tur niin Mipa Team 7 leh Hmeichhia Team 2 an tel a. Mipa-a champion Team in Rs. 8000/- dawngin pahnihna in Rs. 4000/- an dawng anga. Hmeichhia-a champion in Rs. 5000/- dawngin pahnihna in Rs. 3000/- an dawng dawn bawk a ni.

Comments

Popular News (Last 30 Days)