Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Padma Award dawng tur puanchhuah an ni

India rama Civil mite chawimawina sang, Padma Award hrang hrang dawng tur mi 141 puanchhuah niin Mizoram a\angin mi 2 te hnenah Padma Award hi hlan tura thlan a ni.
Kumin a Padma Award dawng tura thlan te hi Padma Vibhushan 7, Padma Bhusan 16 leh Padma Shri 118 te a ni. Award dawngtu mi 34 hi hmeichhia an ni a, mi 18 chu ram dangmi an ni. Award dawng tura thlan zinga mi 12 chu thi tawhte an ni bawk.
Union Minister hlui George Fernandes, Sushma Swaraj leh Arun Jaitley-te chu Civil mite chawimawia sang ber, Padma Vibhushan hlan an ni dawn a, anni hi boral tawh vek niin Mauritius Prime Minister hlui Anerood Jugnauth leh Boxer MC. Mary Kom-te pawhin Padma Vibhushan an dawng ang.
Kumin a he chawimawina dawng tura thlanchhuah zingah hian Mizoram a\angin mi 2 an tel a, heng te hi Lalbiakthanga Pachuau leh C. Kamlova te niin an pahnih hian Literature and Education huang a\anga dawng tur ve ve an ni a, Lalbiakthanga Pachuau hian Literature and Education-Journalism a\angin he chawimawina hi a dawng dawn a, amah hi India rama Journalist hna thawk mek zingah a upa ber a ni bawk.
C. Kamlova hi Aizawl Mualpui-a khawsa mek niin Hindi zirtirna lama thawh hlawk tak a ni a, Mizoram-a Hindi zirlai ten hma an sawn theihna tur kawng hrang hrangah hna a thawk \hin a, chawimawina hrang hrangte pawh a lo dawng tawh bawk a ni.

Comments

Popular News (Last 30 Days)