National Girl Child Day pualin Rally neih a ni

Nimin zing khan National Girl Child Day, 2020 denchhenin Serchhip District Task Force on Beti Bachao Beti Padhao (BBBP) chuan Ser-chhip khawpui chhungah Rally a buatsaih a. School hrang hrang atanga tel hmeichhe zirlai naupang ten kawng zawhin DC Office tual-ah District Bawrhsap, Dr. Lalzirmawia Chhangte hovin hun hman a ni.
National Girl Child Day, 2020 puala Rally hi Serchhip Bazar atang leh College peng atanga neih niin he huna tel zirlaite hian he Ni puala T-Shirt siam ha in Serchhip DC Office thlengin kawng an zawh a. DC Office tual-ah hian District Bawrhsap, Dr. Lalzirmawia Chhangte, IAS, Denny Lalchhuanawma, MCS, Nodal Officer BBBP leh Mahila Shakti Kendra thawktuten lo dawng sawngin hun hman zui a ni a. He hun kaihruaitu Denny Lalchhuanawma kaihhruaina hnuaiah he Ni puala thutiam sawi an sawirual nghal a ni.
He hunah hian District Bawrhsap, Dr. Lalzirmawia Chhangte chuan, India ramah hmei-chhe fa ten duhloh an hlawh nasa tawh thin a, nu-in an pai lai atanga tihtlak mai te an ching thin tih sawiin, chutiang thil thalo chu nuaibo a nih theih nan sawrkar laipui chuan 2015 atang khan Beti Bachao Beti Padhao hmalakna a kalpui tan thu a sawi a. Mizoram-ah pawh Siaha leh Serchhip-ah kalpui a nih thu sawiin, he hmalakna in a tum ber chu fanute venhim leh lehkha-zir tir a ni tih a sawi.
Hmeichhiate chu mipate ang thova engkima theihna nei an ni tih Bawrhsap chuan  sawiin, “Ram dan hnuaiah chanvo intluk kan nei a, kan inthliar bik thianglo a ni,” a ti a. Rally neia kalkhawm zirlai hmeichhe naupang te chu tum fel tak neia chu an thil tum thleng tura nasa taka lehkha zir turin a fuih a, nu leh pa te pawhin kan fanu ten an theiha an peih chhung lehkha ka zirtir chu an mawhphurhna pawimawh tak a nih thu sawiin, nu leh pa te pawimawhna te a sawi bawk.

Comments

Chhiar Hlawhte