Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Cheng nuai 1555 chuang senga Police Hqrs. building sak thar Chief Minister in a hawng

Chief Minister Zoramthanga chuan nimin khan Aizawl Khatla-a Police Headquarters Building thar a hawng.
Chief Minister Zoramthanga chuan Mizoram Police in Headquarter building thar tha tak an nei chu a lawmpui thu sawiin, a bultanna chauh a la nih thu leh District-ah te, Sub-Division-ah te, Out-Post ah te Police hmunhma thuamthat ngai a awm tamzia a hriatpui thu a sawi a. Police infrastructure development chungchang chu sawrkar laipui-ah Minister bulah pawh thlen tawhin, Project te siam a thehluh a nih tawh thu a sawi a. Police tichangtlung turin thawktu indaihlohna ah emaw, Uniform emaw, ralthuam tha zawk a ni emaw, theihtawpa hmalak sak an nih tur thu a sawi a. Chief Minister chuan ruihhlo leh zu-ah buai tawk an tam thu sawiin, “Hemi hi kan tan chonaah lain fihlim tura hma kan lak a pawimawh a ni,” tiin Mizoram Police te chu theihtawp chhuah zel turin a fuih bawk.
He hunah hian Home Minister, Lalchamliana pawhin thu sawiin Mizoram Police chu India rama Police tha berte zinga chhiar theih an nia a hriat thu sawiin, zirchianna thenkhat statistics hmuh theihah India ram pum huapa Police case chinfel (conviction rate) aiin Mizoram Police conviction rate chu a let dawna a san zawk thu a sawi a. Chu chuan inkaihhruaina tha leh a taka mipui tan thawk thin an nihna a lantir nia ahriat thu a sawi a. Chutihrual chuan duhtawk mai lovin mahni hmaa tih tur te tha tak leh fel taka thawk thei tura rilru pu chhunzawm zel turin Police kalkhawmte chu a chah bawk. He hunah hian Chief Secretary, Lalnunmawia Chuaungo bakah Mizoram DGP, SBK Singh te pawhin thu an sawi bawk a ni.
PHQ building thar hi DoNER Ministry atanga sum hmuh hmanga sak niin, sanctioned amount chu cheng nuai 1555.79 a ni a. North East Consultancy Services (NECS) in a design leh sak hna hi an thawk a. July 2015 khan sa tanin, December 2019 kha peih fel a ni. He building hi chhawng nga (5) niin, block hnih-ah then a ni a. Heng Block pahnih te hi Double Level Bridge a kalpawh theih a ni a. A vaiin Officer Room 18, Staff Room 20, Store leh Service Room 13, Toilet block 8 awmin, Choka leh Canteen, Multipurpose Hall, Conference Hall leh Library te a awm bawk.

Comments

Popular News (Last 30 Days)