Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-ah RD Department-a thawk te tan RD Scheme hrang hrang zirhona neih a ni

Rural Development (RD) Department hnuaia thingtlang mirethei te dawmkanna tur Scheme hrang hrang te zirhona chu nimin khan Serchhip-ah neih a ni a, he hun hi Serchhip District Bawrhsap, Dr. Lalzirmawia Chhangte chuan khuallian niin a hmanpui a ni.

Rural Development Department hnuaia thingtlang hmasawnna tura sawrkar hmalakna Scheme hrang hrang enkawltute tana he hun buatsaih ah hian District Bawrhsap leh Rural Development Department-a District Programme Co-ordinator, Dr. Lalzirmawia Chhangte chuan Rural Development Department chu thingtlang miretheite dawmkang tura hmalatu ber an ni tih sawiin, chumi atana sawrkar Scheme hrang hrang te an enkawl thu leh heng Programme leh Scheme te a hlawhtlin pawh an kovah a innghat tih hre chunga, tih takzet leh taima taka an thawh a tul thu a sawi a. Serchhip District chu Mizo hlang awmkhawmna, Mizoram ram laili anih avangin engkimah entawn tlaka kan thawh a tula a hriat thu sawiin, hnathawktute tana hetiang hun tha buatsaih nachang an hria chu lawmawm a tih thu sawiin, chhawr tangkai ngei tum turin kalkhawmte a ngen a ni.
Nimin-a he hun buatsaih hi Serchhip DRDA Project Director, H. Dolianbuaia chuan kaihruaiin District chhung khaw hrang hrang atanga hnathawktu kalkhawmte lawmna thu sawiin, inhmelhriatirna hun a nei a. RD Department atanga mi harsa In sakna Scheme – PMAY-ah Serchhip District in pakhatna dinhmun an hauh thu leh Serchhip RD Department ten SARAS Fair 2019 ah lawmman an lak thu te a sawi bawk.
District Level Sensitization Workshop on Various RD Schemes-ah hian Vanlalhmachhuana, BDO Serchhip hnen atangin RD Scheme hrang hranga hmalakna kal mek leh; hnathawktute hriat-tur pawimawh hrang hrangte ngaihthlak niin, Vanlalhruaii, State Nodal Officer, Monitoring Information System (MIS) hnen atangin report ngaihthlak anih bakah, MNREGS chungchang te, mirethei In sak sakna PMAY-G te, IWMP leh MzSLRM hnuaia Serchhip District chhunga hmasawnna hnathawh kal lai mek leh hma-chhawpte zirho a ni a, zawhna leh chhan te, sawiho ngaite sawiho na hun hman a ni bawk a. He hunah hian Serchhip leh East Lungdar Block huam-chhunga BDO te bakah DRDA Office a thawktute VLAA leh TA/JE te an tel a ni.

Comments

Popular News (Last 30 Days)