Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Feb. 19-ah Mizoram Budget pharh a ni dawn

Chief Minister, Zoramthanga chuan February ni 19 khian kumin sawrkar kum, 2020-2021 atana Mizoram sum ruahman (budget) chu Assembly House-ah a pharh dawn.
Assembly Speaker, Lalrinliana Sailo kaihhruaia niminpiah-a Assembly Business Advisory Committee (BAC) \hukhawm chuan February ni 17-a \an tura Larsap, PS. Sreedharan Pillai-a’n a koh Assembly inkhawm-a hun hman dan tur an duang a, he huna ruahmanna an siam dan chuan February ni 19 (Nilaini)-ah Finance changtu Chief Minister-in Budget leh kum kallai a sum indaihlohna phuhrukna tur dil belhna, Supplementary Demands for Grants chu a pharh anga. March ni 3 khian pawm hman tum a ni ang. Assembly inkhawm \an ni February ni 17 khian Larsap-in Assembly-ah thu a sawi ang a, a thusawi chunga lawmthu sawina motion chu a tukah sawiho a ni ang.
February ni 24 leh 25 khian a tlangpui a Budget sawiho a ni ang a, ni 26 a\angin Minister-te Department enkawlna tur sum a tahtawla sawiho a pawm chhoh zel tur a ni anga, March ni 3-ah zo in March ni 4 chu sawrkar Bill pawimawh awmte putluha sawihona ni-ah hmangin hemi ni hian inkhawm hi tihtawp tura ruahman a ni.
Assembly Speaker, Lalrinliana Sailo chuan February thla a Budget pharh hmasak ber tur a nih thu Assembly inkhawm chungchang sawiin a tarlang a. Hei hi sawrkar kum tawp dawna buai luai luai awm \hin tihtawpna atan a tih a nih thu a sawi a ni. Finance Department hotute hnen a\anga thudawn danin sawrkar laipui a\anga sum hmuh tur a hriat theih ruak tawh avangin budget buatsaih hi a awlsam tawh niin an sawi a. Plan leh Non-Plan thliar hran a nih tak loh avangin thil a awlsam tawh niin an sawi bawk.

Comments

Popular News (Last 30 Days)