Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

Tuikuk chungchanga Agreement ziah lawmawm ti

MNF Vice President, Lalthlengliana chuan Mizoram atanga chhukthla Tuikuk-te Tripura-a an awmhlenna tura agreement ziah a ni ta chu lawmawm a tih thu a sawi.
MNF Party in Aizawl Mizo Hnam Run-a nimin a Chhung Inkhawm an neih ah MNF Vice President chuan MNF President leh Mizoram Chief Minister ni bawk, Zoramthanga’n ‘Tuikuk-te hi India rama awm an ni a, Mizoram chauh an awmna a ni bik hlei nem, Tripura-ah pawh awmnghet ang hmiang’ tia a nawrna leh nasa taka a beihzuina chuan rahtha a chhuah tih sawiin, “YMA leh NGO hrang hrangin nasa takin hma an la bawk a, chu an hmalakna chuan rah tha a chhuah ta hi a lawmawm takzet a ni,” a ti a. Tuikuk-te Tripura-a an awmhlen theihna tura Chief Minister-in nasa taka a beihna lo hlawhtling ta chu lawmawm a tih thu a sawi bawk.
MNF Vice President chuan chuan Zoram mipuite hi kan harh a hun tawh tih pawh sawiin, “Congress sawrkar kan hrechiang tawh a, tuna rawn inzuar mek ZPM-te pawh hi kan hriat chian a pawimawh. ‘Kan Unit chu Kohhran’ titute hi Zoram politics min virkualpuitute hi ring lo ngam ang u. ‘Chumi pawl chu a tha zawk’ min tihsan leh mai ang. An hotupa berin an kalphung tur chu Brig. T. Sailo ‘Six Basic Needs’ a nih a sawi a, tunah MPC an pawlah an han tel duh lova, tunah chuan ‘Six Basic Needs’ lam an sawi leh tawh lo reng reng. Ngaihdan thlak zung zung, an duh ber pawh hriat hleih theih loh khawpa virkual thinte hi i ring lo ngam ang u,” a ti bawk.

Comments

Popular News (Last 30 Days)