Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Vantlang inthiarna hawng

/
Nimin zing khan PHE Department hnuaia Swachh Bharat Mission (Gramin) hmalaknaa E. Lungdar WATSAN Committee-in E. Lungdar Bazar kawn-a Vantlang inthiarna hmun tur an siam, Community Sanitary Complex chu Er. F. Lalsanglura, Sr.EE, PHED, Serchhip chuan a hawng.
He Community Sanitary Complex hi cheng nuai 4 senga sak niin meter 5 bial-a zau, chhawng hnih a ni a, a chhawng hnuai zawk hi dawr-a luah theih tur niin, a chhawng chung zawk hi inthiarna atana hman tur a ni a, inthiarna ah hian zunna 3 leh êkna (Toilet) pathum - Indian type 3 leh European Type 1 bakah insilna dah a ni a. CSC hi vantlang hmun a lo faia a lo thianghlimna tur atana ruahman niin, he hmun hi E. Lungdar khua paltlangtu leh khawtual miten man chawia an hman tura ruahman a ni a, zun man hi Rs. 10 leh inthiar man hi Rs. 20/- ni tura ruahman a ni. Nimin vek khan Er. F. Lalsanglura hian E. Lungdar Emergency Water Supply atan lak tum Kahzau tui a hmunah a enfiah nghal a ni.

Comments

Post a Comment

Popular News (Last 30 Days)