Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Civil Service-a tlin theih nan hmalak tum

Mizoram Civil Service Aspirants’ Society (MICSAS) chuan nimin khan Aizawl Press Club-ah thuthar thehdarhtute kawmin, “Mizo zirlaite/thalaite Central Service-a tam zawk an tlin theih nan hmalakna awmze nei zawk a awm thei dah lo maw tiin Hnam chhan hnatlang kan han ko a ni,” an ti.
Nimin a thuthar thehdarhtute an kawmna hunah hian MICSAS hruaitute chuan UPSC result a lo chhuahin kan chhehvel hnamdangte an lut tam tial tial laiin keini erawh kan luttlem tial tial si tih an sawi a. Mizo hnam pum kal zel dan tur ngaihtuahin leh hnam himna tak tak ngaihtuahin kan thalai tam zawk UPSC exam hrang hranga an luhzel hi a pawimawh em em tih an sawi a. “Harsatna a lo thlenin kan pungkhawm hluai a, kan aurual a, mahse chu chuan kan hnam damna tak tak a thlen silo. Chuvangin, Mizo hnam pasaltha te rilru kaihharh nan leh Mizoram tana a taka ke pen tumtute cho phur nan zirlai harsa, helam-a tih tak taka inbuatsaihte sponsor nise tiin he pawl hi kan din ta a ni,” an ti.
MICSAS hruaitute chuan Zirlai tum ruh, Coaching kalna nei silo, hmalam hun eng si te sponsor an tum thu sawiin, a duh nazawng erawh an sponsor thei dawn loh thu leh an sum neih ang zia zela an sponsor tur thu an sawi a. A thlan danah pawh Competitive taka kalpui an tum thu leh Selection Board mumal tak an din tawh thu sawiin, Criteria atan chuan - Written Test, Personal Interview leh Performance Evaluation hman an tum thu an sawi a. A bultan nan mi pahnih khat sponsor thei turah an in ngaih thu leh Aizawl-ah thla hnih khat Guidance & Councelling an neih pui hnuah Delhi lamah Coaching kal tura thawn an nih tur thu an sawi a. Application form lachhuak duh tan Saizampuii Sailo, Treasurer, MICSAS (Sunflower Electronics, Chanmari, Aizawl) Phone No. 9774035344-ah lakchhuaha thehluh theih a nih thu an sawi bawk.

Comments

Popular News (Last 30 Days)