Kohhran Thalai khawmpui nei

/
Nimin Pathianni hmang khan Kohhran hrang hrang pathum-a |halaite chuan Bial inkhawmpui an nei.

  • Presbyterian Kohhran hnuaia Kristian Thalai Pawl (KTP) te chuan nimin Pathianni hmang khan Pastor Bial inkhawmpui neiin nizan khan an tiak a. Serchhip Pastor Bial KTP inkhawmpui vawi 65-na chu Serchhip Hmar Veng Kohhran ah neiin New Serchhip Pastor Bial KTP inkhawm-pui vawi 28-na pawh New Serchhip Kohhran Biak In-ah neih a ni a. Serchhip Vengchung Pastor Bial KTP Inkhawmpui vawi 17-na pawh Serchhip Dinthar Kohhran Biak In-ah neih niin Inrinni khan rorelna leh hruaitu thlanna an nei a ni.
  • UPC (NEI) hnuaia Penticostal Youth Department (PYD) te pawhin nimin Pathianni hmang khan Pastor Bial Conference chu an nei bawk a. UPC(NEI) Serchhip Pastor Bial PYD Conference vawi 44-na chu Ngentiang UPC Biak In ah neih niin bialtu Pastor, Rev. B. Lalengzauva chu Speaker atan hman a ni. Serchhip Dinthar Pastor Bial PYD inkhawmpui vawi 19-na pawh nimin Pathianni hmang khan Hriangtlang UPC Biak In-ah neih a ni bawk a, Speaker atan Pastor K. Vanlalhruaia chu hman niin Inrinni khan khawmpui Palai ten ro an rel bawk a ni.
  • Isua Krista Kohhran (IKK) Serchhip Bial Thalai inkhawmpui pawh nimin Pathianni hmang khan Philadelphia Biak In, Sailiam-ah neih a ni bawk a, Inrinni khan khawmpui Palai ten rorelna hun hmangin nizan khan khawmpui hi an tiak ve bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »