District Cooperative Development Committee thukhawm

Serchhip-ah District Cooperative Development Committee (DCDC) thutkhawm chu nimin khan neih niin Cooperative Society te hmasawnna tur hrang hrang ngaihtuah a ni.
Serchhip DC Meeting Room-a District Cooperative Development Committee (DCDC) thutkhawm hi an Chairman leh District Bawrhsap Paul L. Khuma chuan kai-hruaiin District Cooperative Officer (DCO) L. Lalzidingi chuan thutkhawm koh anih chhan te sawifiahin, Ministry of Cooperation, Govt. of India atanga District tinah Committee hi din tura tih anih thu leh chumi bawhzui nan chuan Serchhip District-ah pawh he Committee hi din niin, tun hi tum thum an thutkhawmna a nih thu a sawi bawk.

Tun dinhmunah Serchhip District chhungah Cooperative Society 120 an awm a, an zingah hian Ministry of Cooperation in a ngaihpawimawh em em Multipurpose Primary Agricultural Credit Society (M-PACS) pariat (8) an awm a. Society te hian hma an sawn zel nan an hmalakna tur thil chi hrang hrang 25 sawrkarin ruahmanna a siam ah District chhunga Society hrang hrangte pawhin an huang an zauh zel a pawimawh thu an sawiho a. Hemi hlawhtlinna tur atan hian Department dang atanga lokal te pawh an Department hmalakna ah Society te hmasawnna a theih anga lo ngaipawimawh theuh turin an inchah bawk.

Serchhip District chhungah hian Cooperative Society la awmlohna khua engemawzat a la awm a, heng khuaah te hian Department dang nena tangho in  Cooperative Society din a nih theih nan District Cooperative Officer (DCO) leh a thawhpui ten hma lo la zui zel se an ti a ni.