Sept. 30-ah Mim Kût hman rel

Nimin khan Social Welfare & Tribal Affairs Minister Lalrinpuii hovin a Pisa-ah State Level Steering Committee for Celebration of Mim Kût chu thukhawmin 'Mim Kût 2024' hman dan tur leh a kaihhnawih thil pawimawh dangte an rel a. 'Mim Kût 2024' hi tun thla, September ni 30, 2024 (Thawhtanni) khian Aizawl-a Vanapa Hall-ah a hmanna pui ber chu nghah a ni dawn a, he Kût pual hian Essay Competition te, Panel discussion te, Chhungkaw tin ten an hmangaih kal hmasate thlan siamthat/cheithat leh chawhlui kilhona hunte theih ang anga hman nise tih rel a ni a. Mim Kût denchhenin Riangvaite Thlanmual, Zemabawk ami chu tihfai leh cheithat nise tih rel a ni bawk. Mizo pi pute Kut pawimawh zinga pakhat, Mim Kût hi nikum khan hman a lo ni tawh a ni.