Mizoram State Anti-Tobacco Day vawi 11-na Serchhip-ah hman a ni
Mizoram State Anti-Tobacco Day puala Serchhip CMO Conference Hall-a hun hman hi Serchhip-a Sr. Chief Medical Officer Dr. LP. Malsawma chuan hmanpuiin Serchhip District-a National Tobacco Control Programme (NTCP)-a thawktu ten thahnem ngai taka hma an lakna leh kum lama naupang zawk te zuk leh hmuam laka an fihlim theihna tura Zirna In hrang hrang inzirtirna an kalpui thin chu lawmawm a tih thu a sawi a. Hei mai bakah Anti-Tobacco Squad ten hmun hrang hrangah thahnem ngai taka Squad Drive an nei thin chu lawmawm a tih thu sawiin, Vaihlo-ah hian Chemical 7000 vel awmin, heng zinga za vel zet chu mihring tana tha lo leh Cancer thlen thei pawh 70 vel a awm thu a sawi a. Heng zingah hian a ngawl min vei tir thintu pawh a tel thu sawiin, hei vabng hian tih chhin loh thu a pawimawh ber a nih thu a sawi bawk a ni.
NTCP Serchhip District-a Date Entry Operator (DEO) Lalramnghaka Kawlni kaihhruai he hunah hian District Mental Health Programme (DMHP) Serchhip-a Counsellor Jane Zodingliani Lailung chuan ‘Suicide Prevention Week’ an hman mek puala thu sawiin, Serchhip Sub-Hqrs. YMA atangin Asst. Secretary Zonunsanga Kawlni pawhin NTCP leh Sub-Hqrs. YMA Serchhip te tangdun in Branch YMA te tana ‘Zuk leh hmuam leh Ruihhlo laka naupang venhim’ tih thupui hmanga Video Clip insiamsiak an buatsaih chungchang te a sawi bawk.
.jpeg)
Serchhip Sub-Hqrs. YMA huamchhunga Branch YMA te tana Video Clip insiamsiak ah hian Serchhip Kawnpui South Branch chu pakhatna niin lawmman ah Rs. 20,000/- an dawng a, Ser-chhip Vengchung Branch chu pahnihna niin Rs. 15,000/- an dawn bakah pathumna Serchhip Chanmari Branch YMA in Rs. 10,000/- an dawng a, Serchhip Hmar Veng Branch, Chhekhnai Branch leh Vanchengte Branch ten Consolation Prize dawngin Rs. 1000/- theuh hlan an ni a, lawmman dawngtute hi thuziak hlan theuh an ni. He ni puala thutiam buatsaih chu he huna kal te hian an chham rual bawk a ni.
Comments
Post a Comment