November-ah SHC Inthlanna buatsaih tum a ni

Sinlung Hills Council inthlan vawi 2-na chu kumin November thla tir lam khian buatsaih tura ruahman a ni.

Inthlanna buatsaihtu tur State Election Commission chuan kar kalta Zirtawpni khan Sinlung Hills Council inthlan vawi 2-na lo awm tur atan hian Returning Officer leh Assistant Returning Officer tur mi 12 ve ve a ruat tawh a. Electoral Roll pawh buatsaih mek a nih thu State Election Commissioner Dr. H. Lalthlangliana chuan a sawi a. A hun tur chiah a la hriat theih loh chungin October thla chawhma lam hian inthlan hun tur hi puan a nih rin a ni. Sinlung Hills Council hi April ni 2, 2018-a Mizoram sawrkar leh HPC (D)-te inremna anga Sinlung Hills Council Act, 2018 hmanga din a ni a. Member thlan 12 awmna Sinlung Hills Council hmasa ber chu November ni 5, 2019 khan lakluh a ni a. Member thlan 12 bakah a ruata ruat member 2 an awm bawk. He Council-ah hian Chief Executive Member (CEM), Executive Member (EM) pali bakah Chairman leh Deputy Chairman an awm a ni